Sawachh bharat abhiyaan

Kaun kehta hai Ki sawachh bharat aabhiyan fail ho gya? Mujhe toh lagta he Ki 2oct k baad se kafi saf safayi hui hai, ab mahabilay ko hi le lijiye congress, lalu aur secular kumar teeno ko laga ki hamare ghar me bahut kachra ho gya he toh unhone socha kyun na kisi ek ghar ko saf kar k sab ek hi jagah shift ho jayein. Majhi k ghar me v bahut chuhe ho gye the toh unhone v safayi me badh chadh k hissa liya, lalu toh jhadu marte marte Bihar se uttar Pradesh tak pahunch gye, mulayam ko unka kam bahut pasand aaya toh lalu k sath milkar thodi safayi unhone v kar di.
Lok sabha election k bad se toh mayawti ka saf safayi se biswash hi uth gya hai, unke sath dhokha ho gya hai unki nazar jhaduwale pe thi aur dusre kisi ne unke ghar k sath-sath unki bhi safayi kar di, ab toh wo jhadu ko SC-ST cast me lane Ki bat kar rhi hai.
Bengal me saradha chit fund ka malwa pada hai, waha v safayi jari hai.
Hamari rajdhani delhi me safayi apne pure sabab par hai, lekin ye 2oct se pahle se chal rahi ek party ko safayi Ki etni jarurat mahsush hui Ki unhone apna ek team bnakar sabhi members k hatho me jhadu pakda diya, ab inko safayi k prati junun Etna hai Ki enko saf jagah me bhi gandagi dikhayi deti hai, enka manna hai koi jagah saf kaise ho sakti hai ji? Dikhti saf hai par hoti Nahi yahi toh scam hai ham esi Ke khilaf toh lad rhe hai, es safayi se unke team k kuch members kafi khafa hai aur wo jhadu chhodkar safe zone(Aisa jagah jaha jhadu lage na lage agar bol diya gya Ki ye jagah saf hai toh saf hai) me ja rahe hai,
Kiran bedi Jo kal tak modi se safayi mangti thi unko bhi lagne laga hai Ki jis chiz Ki mai safayi mangti thi wo toh phle se saf hai, toh sawal ye hai Ki unko pahle kyun ni dikha? Sayad us tym thoda kohre ka prakop tha abhi mausam saf hai toh sabkuch saf hai.
Kuch safayi Jammu Kashmir me bhi hui hai, Jammu me BJP aur Kashmir me PDP ne safayi Ki hai,
Tharur ne ghar me safayi Ki hai,
Kumar biswash ne juban Ki safayi Ki hai,
Sahrukh ne award Ki, amir ne parde Ki, salman ne car Ki, sanjay ne jail Ki, Bcci ne test team Ki, dhoni ne odi team Ki, Alia ne dimag Ki safayi Ki hai,
Aur han es sal saf safayi me sabse bada yogdan Rahul Gandhi ka rha hai unhone pure desh se congress Ki safayi Ki hai……….